الى من يهمه الأمـــــر آآآآآه يادنياا

الله يجازي.. من يسوّي سواتك
وبذنوب من سوّى سواتك.. يجازيك 
مشيت درب الثقل.. وتحبّ ذاتك
ما تدري إنه.. للمهالك يوديك 
وغرّك جمالك.. يا خسارة حلاتك
ما تدري.. إن ما غير طبعك يحليك 
بتقول زينك.. يشفع لسيئاتك
الحسن ما هو عن وفاء الحب.. يعفيك 
لو التواضع والوفاء.. من سماتك
بعت الحبايب كلهم دين.. وأشريك 
لكن عجزت أغيرك.. يا جراتك
على الغياب.. اللي بلا عذر ينجيك 
خطاي.. في توضيح وشّي غلاتك
وخطاك.. في توضيح وشّو تغليك 
وشلون توصيني.. وتنسى وصاتك؟
وتصدّ عن صوت(ن).. تقطّع يناديك 
ما فاتك التجريح.. والعذر فاتك
وتبغي رضاي الحين..؟ ما عاد يمديك 
صحيح أحبك.. بس هذي جزاتك
بعلمك درس(ن).. يفيدك ويحييك 
تدري وش أبيض من خفوقك.. عباتك!
وتدري وش اللي غرني.. نظرتي فيك 
أدري بتستغرب.. تصبر وجاتك
قصيدة(ن) من واحد.. (كان) يبغيك 
وتبغي تناظر وأنت عايش مماتك..؟
شف وحدتك.. والناس تجلس حواليك 
وتبغي تشوف أشجع رجل في حياتك..؟
شفني.. وأنا راحل على كثر ما أغليـك 

بن فطيس 

القلب سجينك

 

القلب لك وحدك تعال وأملكه الحين

 

تعال مابقى عرق بقلبي مايناديك

تبي من القصيد أبيات

تبي من الجروح آهات

تبي من الغلا حب يدور بدقة الساعات..
تعال أكتب اسمي على صدرك..

تعال مابقى مكان ماكتبتك فيه

تعال بأسمع أسمي من شفاتك وأسمع الهمسات..

تعال بحضنك حب جديد وابشربك وأضماك..

تعال بزرع ورود المحبه كلهالرضاك..

تعال باترك العالم واسافر في بحر لقياك
تعاااااااااااااااااااااااال

خذني بقلبك دام قلبي سجينك؟