مالك مكان
توكل ياسبب كل الجروح وياشقى عيني
توكل دامها زينه عليك النفس والنيات
وأبي تعرف ترى لا أنته ولا غيرك يبكيني
ماغير أمي وأبوي اللي غلاهم ساكن بالذات
أنا الغلطان في حبك حسبتك ماتخليني
وأنا اللي كنت متوقع تجيني تكسر الضيقات
خلاص أبعد وأنا بـ أبعد وماجاني يكفيني
ورح دور على غيري وأنا بـ أنسى زمان فات
أنا ماعدت مثل أول على كيفك تمشيني
تغير كل شي وصرت بعيني العثرات
وفيت وماخبر إني جرحتك يامشقيني
وكذا مره من ايدينك بلعت الجرح والصدمات
تقط الكلمة وتسكت على إنك تسليني
وأطوف لك ولا ينفع معاك الطيب والدمعات
بعدت وقلت يمكنك على غيابي تحاكيني
وأشوفك رحت ما تسأل يا(حبي) وين هالغيبات
عطيتك كل أفراحي ولا حسبت لـ سنيني
ولا بين بعيونك أشوفك صرت لي آهات
رسمتك فرحة أيامي لقيتك هم يطويني
حسبتك ماتزل بشي لقيتك ممتلي زلات
حسبتك لي على الدنيا ليا شانت تخاويني
وإذا حجت حجايجها تجيني بطيبتك هامات
وأجي لك ناقل دمعي ودمعي حاير بعيني
وأقول انت ولاغيرك حبيبي تمسح الدمعات
وجيتك لعنبوا دار السنين اللي قصدت فيني
وطلعت من الردى تزرع على دربي شقى ونات
تشوف الكون وش كبره ؟ ترى ماعاد يعنيني !
إذا حطيتك براسي أجيبك لو تروح أشتات..! ......
ليست هناك تعليقات:
إرسال تعليق