مــافي داعــــــي

مافيه داعي تهلّ الدمع من شااني
 بكره يقولون ليه يالحبّ بكيّته

انا تمنيّت تذكرني وتنسااني
 وانته ياليتك تمنّى اللي تمنيّته

رسايلك جااات بين اسمي وعنواني
 وتعلقّت بين ضيّعته ودليّته ؟؟

بعض البشر لو يدوّرني ما يلقااني
 وبعض البشر لو يجاذب سيرتي جيته

لا تنشغل خلنيّ يا سيد خلاّني
 استسمحك وقتي اللي معك مضيّته ؟

قول القلب الحنون خلّيته وخلاّاني
 او قول بالعكس خلاّاني وخليّته ؟؟

ياسيفي ودرعي وخيلي وميداني
 البيرق المنكسر لرضااك رزيّته ؟

اموت من ضيقتي مير الله احياني
 وجوارحي معك لا حيّه ولا ميته

رغم اني اعاني من الوقت ما اعاني
 صبيت صبري على جرحي ودااويته


ياللي تبيها سوا وصلي وهجراني
الاوله انساهـا والثانية ليتــــــــه

فرشت لك قلبي وشلتك في وجداني
 وارتحت في قلبي المفروش واذيّته

في ذمتك لا ترااودني على اجنااني
 وصلت حدّ الجناان ولا تعديّته

وان قلت وش جاك مدري منك وشجااني
قطعت حبل المحبة يوم شديتة


اراجع الذاكرة وكوسر الحاني 
كم طاري مانسيته لو انك تناسيته


وان قلت وش جاك مدري منك وشجااني
 مغير مديّت لك كفيّ وعضيّته ؟؟

ماعاد مع راسي الا روس جنحااني
 والريح لاهبّ مع طاريك هبيّته

اسمح لي اجر صوتي واسحب الحاني
 والشعر لا ضقت غنّااني وغنيّته ؟

العام  انا مبتلش في عقدة الساني
 واليوم  انا شاعرن ما ينهدم بيته